2014 جىلعى 2 قىركۇيەك, استانا قالاسى
«ارنايى ەكونوميكالىق ايماق قاتىسۋشىلارىنىڭ بىرىڭعاي ءتىزىلىمىن جۇرگىزۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى پرەمەر – ءمينيسترىنىڭ ورىنباسارى – قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترىنىڭ 2011 جىلعى 12 جەلتوقسانداعى № 454 بۇيرىعىنا وزگەرىستەر ەنگىزۋ تۋرالى
«قازاقستان رەسپۋبليكاسىنداعى ارنايى ەكونوميكالىق ايماقتار تۋرالى» 2011 جىلعى 21 شىلدەدەگى قازاقستان رەسپۋبليكاسى زاڭىنىڭ 1-بابىنا سايكەس بۇيىرامىن:
1. «ارنايى ەكونوميكالىق ايماق قاتىسۋشىلارىنىڭ بىرىڭعاي ءتىزىلىمىن
جۇرگىزۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى پرەمەر – ءمينيسترىنىڭ ورىنباسارى – قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترىنىڭ 2011 جىلعى 12 جەلتوقسانداعى № 454 (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7354 بولىپ تىركەلگەن, 2013 جىلعى 20 قاراشادا № 319 (27593) «كازاحستانسكايا پراۆدا» گازەتىندە جاريالانعان) بۇيرىعىنا مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن ارنايى ەكونوميكالىق ايماق قاتىسۋشىلارىنىڭ بىرىڭعاي ءتىزىلىمىن جۇرگىزۋ جونىندەگى نۇسقاۋلىقتا:
4-تارماق مىناداي رەداكتسيادا جازىلسىن:
«4. جاۋاپتى بولىمشە اەا باسقارۋشى ورگانى ۇسىنعان اەا قاتىسۋشىسى رەتىندە قىزمەتتى جۇزەگە اسىرۋ تۋرالى شارتتى جاساسۋ نەمەسە بۇزۋ تۋرالى حابارلامانى العان كۇننەن باستاپ بەس جۇمىس كۇنى ىشىندە مالىمەتتەردى تىزىلىمگە ەنگىزەدى.
اەا قاتىسۋشىسى رەتىندە تۇلعانى تىركەۋ تۋرالى مالىمەتتەردى تىزىلىمگە ەنگىزۋ كۇنى قىزمەتتى جۇزەگە اسىرۋ تۋرالى شارتتى جاساسۋ كۇنى بولىپ تابىلادى.
9-تارماق مىناداي رەداكتسيادا جازىلسىن:
«9. كۋالىكتە مىناداي مالىمەتتەر كورسەتىلەدى:
1) اەا-نى قۇرۋ, جۇمىس جاساۋ جانە تاراتۋ سالاسىنداعى ۋاكىلەتتى مەملەكەتتىك ورگاننىڭ اتاۋى;
2) اەا قاتىسۋشىسى رەتىندە تۇلعانى تىركەۋ تۋرالى مالىمەتتەردى تىزىلىمگە ەنگىزۋ كۇنى مەن تىركەۋ ءنومىرى;
3) كۋالىكتى بەرۋ كۇنى;
4) اەا اتاۋى;
5) اەا قاتىسۋشىسىنىڭ اتاۋى;
6) اەا قاتىسۋشىسىنىڭ ورنالاسقان ورنى;
7) باسشىنىڭ تەگى, اتى, اكەسىنىڭ اتى (بولعان جاعدايدا), قولى جانە جاۋاپتى بولىمشەنىڭ ءمورى.»;
14-تارماق مىناداي رەداكتسيادا جازىلسىن:
«14. تەلنۇسقا جانە جاڭا كۋالىك اەا قاتىسۋشىسىنا وسى نۇسقاۋلىقتىڭ 10,11-تارماقتارىنا سايكەس بەرىلەدى.
تەلنۇسقانى نەمەسە جاڭا كۋالىكتى بەرۋ كەزىندە اەا قاتىسۋشىسى رەتىندە تۇلعانى تىركەۋ تۋرالى مالىمەتتەر تىزىلىمدە تىركەۋ ءنومىرى مەن ەنگىزۋ كۇنى وزگەرمەيدى.»;
ارنايى ەكونوميكالىق ايماق قاتىسۋشىلارىنىڭ بىرىڭعاي ءتىزىلىمىن جۇرگىزۋ جونىندەگى نۇسقاۋلىققا 2-قوسىمشا وسى بۇيرىققا قوسىمشاعا سايكەس جاڭا رەداكتسيادا جازىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينۆەستيتسيا كوميتەتى (ە.ق. حايروۆ) زاڭنامامەن بەلگىلەنگەن تارتىپتە:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ بۇقارالىق اقپارات قۇرالدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىنا ورنالاسۋىن;
4) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتى ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ينۆەستيتسيالار جانە دامۋ ۆيتسە-ءمينيسترى ە. ك. ساعاديەۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ينۆەستيتسيالار جانە دامۋ
ءمينيسترىنىڭ مىندەتىن اتقارۋشى ە.ساعاديەۆ.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىسى
2014 جىلعى 2 قىركۇيەكتەگى №15 بۇيرىعىنا قوسىمشا
ارنايى ەكونوميكالىق ايماق قاتىسۋشىلارىنىڭ بىرىڭعاي ءتىزىلىمىن جۇرگىزۋ جونىندەگى نۇسقاۋلىققا 2-قوسىمشا
نىسان
_________________________________________________________________
(ۋاكىلەتتى ورگاننىڭ اتاۋى)
تۇلعانى ارنايى ەكونوميكالىق ايماقتىڭ
قاتىسۋشىسى رەتىندە تىركەۋ تۋرالى
كۋالىك
______________________
(تىركەۋ ءنومىرى)
20_ _جىلعى « »_________
(تۇلعانى ارنايى ەكونوميكالىق ايماق قاتىسۋشىسى رەتىندە تىركەۋ تۋرالى مالىمەتتەردى تىزىلىمگە ەنگىزگەن كۇن)
20_ _جىلعى « »_________
(كۋالىك بەرىلگەن كۇن)
__________________________________________________________________
(ارنايى ەكونوميكالىق ايماقتىڭ اتاۋى)
___________________________________________________________________
(ارنايى ەكونوميكالىق ايماققا قاتىسۋشىنىڭ اتاۋى)
____________________________________________________________________
(ارنايى ەكونوميكالىق ايماققا قاتىسۋشىنىڭ ورنالاسقان جەرى)
جاۋاپتى بولىمشەنىڭ باسشىسى
__________________ ___________________
(تەگى, اتى, اكەسىنىڭ اتى) (قولى)
مو
№ _________
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 3 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9780 بولىپ ەنگىزىلدى.